OSAXYL neurketa-sistema tresna eramangarria da, eta hipolaktasiaren (laktosarekiko intolerantzia) diagnostiko zehatza eta fidagarria lortzen laguntzen du, LacTEST® farmakoa hartu ondoren gernuan xilosa detektatuz. OSAXYL Venter Pharma enpresarekin lankidetzan garatutako emaitza da.

OSAXYL PoC gailu bat da, elementu hauetaz osatuta:

• OSAXYL 7000 neurketa tresna, lortutako seinale elektrokimikoak gernu-laginetan dagoen xilosa-kantitatea erlazionatzeko gai den irakurgailu elektroniko eramangarria da.
• Erabilera bakarreko OSAXYL tira erreaktiboak erabat selektiboa den ezagutze biologikoko elementu batekin funtzionalizatutako elektrodo serigrafiatutean (SPE) oinarrituta daude.

OSAXYL neurketa-sistemak abantaila hauek eskaintzen ditu laktosarekiko intolerantzia diagnostikatzeko beste metodo batzuen aldean.

• Ez-inbaditzailea: heste-biopsiaren aldean.
• Azkarra: emaitza 30 segundotan ematen du, hidrogeno-testek edo gluzemia kapilarraren probek eskatzen dituzten itxaronaldi luzeen ordez.
• Pazientearentzat ez da traumatikoa: emandako laktosa edo antzeko substantziaren kantitatea hain txikia da, non ez duen sintoma larririk eragiten paziente hipolaktasikoetan, beste proba batzuetan bezala.
• Laborategiko probek frogatu dute metodo tradizionalen sentsibilitate eta espezifikotasun bera edo handiagoa dutela.