Food

Zientzia eta berrikuntza elikagaien segurtasunaren zerbitzura

Elikagaien kalitatea eta segurtasuna jatorritik azken kontsumitzaileraino bermatzen duten tresna analitikoak garatzen ditugu.

Gure biosentsoreek eta sentsoreek ikusezina den hori detektatzen dute, eta funtsezkoa den hori kuantifikatzen, industria eraldatzen duen zehaztasunez.

Espezifikotasun handia parametro bakoitzerako
Emaitza azkarrak eta fidagarriak
Teknologia ziurtatua eta jasangarria
Eramangarritasuna eta erabilerraztasuna
Datu integratuen azterketa

Jaten duguna zaintzea
gu geu garena zaintzea baita

Arrantza-sektorea

Arrantza-industriak kalitate handiko produktuak izan behar ditu, eta produktu horiek kontsumitzea segurua dela bermatu behar du. Arrainaren kalitatea eta freskotasuna zehazteko, histamina, YAKE, TMA eta TVBN jotzen dira adierazlerik onentzat; hala ere, beste parametro batzuk ere oso interesgarriak dira industriarako, hala nola gatz-edukia.

2013an BIOFISH HIS merkaturatu zen, arrainen eta haien deribatuen histamina neurtzeko biosentsore bat.

BIOFISH 3000 HIS

BIOFISH 7000 HIS

2016az geroztik, BIOFISH 3000 HIS sistemak AOACen Performance Tested Methods (PTM) ziurtagiria du.

Merkaturatze horren arrakastaren ondoren, BIOFISH 3000 YAKE merkaturatu zen, haragi errearen sindromea modu kuantitatiboan zehazteko.

BIOFISH 3000 YAKE

2024an, merkatuaren beharra detektatu ondoren, BIOFISH 7000 SAL merkaturatu zen, arrainen eta deribatuen sodio-edukia kuantifikatzeko sentsore potentziometriko bat.

BIOFISH 7000 SAL

2025. urtearen amaieran, eskaintza teknologikoa sendotuz, BIOFISH 7000 TMA merkaturatu zen, trimetilamina kuantifikatzeko ekipoa.

BIOFISH 7000 TMA

2026an, BIOFISH 7000 TVBN merkaturatu zen, oinarrizko nitrogeno lurrunkor totala kuantifikatzeko.

BIOFISH 7000 TVBN

Krustazeo sektorea

Krustazeoak, batez ere izkirak, ekoiztean eta prozesatzean sulfitoak erabiltzen dira; substantzia hori alergenotzat hartzen da, eta, beraz, nahitaez kontrolatu behar da.

Sektorearen beharra ikusita, eta teknologia jada finkatuta zegoela, 2014an BIOFISH SUL merkaturatu zen, sulfitoa kuantifikatzeko biosentsore bat.

BIOFISH 3000 SUL

BIOFISH 7000 SUL

2024an, merkatuaren premia detektatu ondoren, BIOFISH SAL merkaturatu zen, izkiren sodio-edukia kuantifikatzeko sentsore potentziometriko bat.

BIOFISH 7000 SAL

2021az geroztik, Nazioarteko AOACk analisi-metodo ofizialtzat (OMA) hartzen du BIOFISH 3000 SUL bidezko sulfitoaren kuantifikazioa.

Esnearen sektorea

Gero eta handiagoa da laktosarik gabeko edo laktosa-eduki txikiko produktuen eskaria, herrialde askotan handia baita laktosarekiko intolerantziaren prebalentzia; hori dela eta, ezinbestekoa da industriak laktosa-maila egokiak bermatzea deslaktosatu gisa etiketatutako produktuetan.

2013an BIOMILK merkaturatu zen, laktosa eta glukosa aztertzeko biosentsore bat.

BIOMILK 3000 LAC

BIOMILK 3000 GLU

BIOMILK 7000 LAC

2020az geroztik, BIOMILK 3000 LAC sistemak AOAC International erakundearen Official Methos of Analysis (OMA) ziurtagiria du (Ziurtagiri zk. 2020.09). Era berean, 2026an BIOMILK 7000 LAC sistemak AOACen Performance Tested Methods (PTM) ziurtagiria lortu zuen.

2024an BIOMILK SAL merkaturatu zen, esneki-produktuetan sodioaren kontzentrazioa neurtzeko sentsore berritzaile gisa.

BIOMILK 7000 SAL

Haragiaren sektorea

Haragi-industriak gatza, nitritoak eta nitratoak erabiltzen ditu funtsezko gehigarri gisa, batez ere kontserbatzaile gisa. Haien kontzentrazioa kontrolatu egin behar da ekoizpen-prozesuan zehar, horri buruz ezarritako araudia betetzeko eta azken produktuei kalitate-berme eta elikadura-segurtasun osoa emateko.

Sektore berri horri ekiten hasita, 2024an BIOMEAT 7000 SAL merkaturatu genuen, haragi-produktuen sodioa neurtzeko.

 BIOMEAT 7000 SAL

2025ean, haragi produktuetan nitritoen eta nitratoen kontrolak duen garrantzia identifikatu ondoren, BIOLANek BIOMEAT 7000 NITRITO eta BIOMEAT 7000 NITRATO jarri zituen sektorearen eskura, kontserbatzaile horiek kuantifikatzeko.

BIOMEAT 7000 NITRITO

 BIOMEAT 7000 NITRATO 

Mahastizaintzaren eta ardogintzaren sektorea

Ardoa egitean, funtsezkoa da parametro jakin batzuk kontrolatzea, kalitatea bermatze aldera. Zenbait konposatu, hala nola azido glukonikoa, azido malikoa, fruktosa, glukosa, sakarosa, histaminak eta azido laktikoa, zehatz-mehatz monitorizatu behar dira prozesu osoan zehar, mahatsaren egoera optimoa bermatzeko eta kalitate hobereneko ardoa lortzeko.

BIOLANek BIOWINE merkaturatuz hasi zuen sektore honetako ibilbidea. Gailu horrek azido glukonikoa eta malikoa neurtzen ditu.

BIOWINE 3000

 BIOWINE 7000

Beste sektore batzuk

BIOFOOD produktu-lerroak hainbat elikagai-segmentutara zuzendutako biosentsore berriak barne hartzen ditu; adibidez, fruta deshidratatuetako sulfitoa, azukrea eta patata.

BIOFOOD produktu-lerroan sartzen dira biosentsore berri horietako batzuk, zenbait elikadura-segmentutara zuzenduta.

BIOFOOD 3000 

BIOLANglobal plataforma

BIOLANen biosentsoreek konektagarritasuna, hodeiko biltegiratzea eta datuen kudeaketa adimenduna ahalbidetzen dituzte. BIOLANglobal plataforma digitalak abantaila horiek eta beste batzuk eskaintzen dizkio erabiltzaileari.

BIOLANglobal zerbitzu digital agregatua da, eta Internetera konektatutako edozein gailutatik erabil daiteke. Haren bidez elikagaien kalitatearen eta analisiak kudeatzeko prozesuen monitorizazio integrala eta adimenduna egin daiteke.

Hodeiko biltegiratze segurua, datuen bistaratze aurreratua, alerta pertsonalizatuak, trazabilitatea, stockaren kudeaketa, denbora errealeko jarraipen globala eta beste funtzionalitate batzuk direla eta, BIOLANglobal funtsezko tresna da industria elikagai digitalizatuago, seguruago, eraginkorrago, jasangarriago eta errentagarriago batera aurrera egiteko.